.::::. شبـــــابيـــــــــات .::::.

.::*::. شبـــــابيـــــــــات .::*::.

--------------------------------------------------------------------------------

( 1 )

قميص ممزق

بنطلون جينز مسحوب ع الأرض

شعر طويل طاير على فوق .. كأن قنبلة طاحت عليه

موبايل آخر موديل

عيون كأنها رادارات مفتوحة ع الآخر

لمراقبة القادمين و الذاهبين

------------------

<< شاب عصري >>

============

( 2 )

عباية مفتوحة .. علشان تظهر التنورة الجديدة

خصلات شعر ملونة

موبايل كله سلاسل و اكسسوارات >>> كأنه دمية بإيدها

مشية عجيبة .. كأنها ترقص الأخت

نظرات و حركات ما تخلي حد في حاله !!

--------------------

<< فتاة عصرية >>

============

( 3 )

مكالمة 5 دقائق + 4 مسجات = بطاقة فاضية !!

مكالمة ربع ساعة + 10 مسجات = فاتورة بـ 100 ريال

أدري إني بالغت شوي .. بس حتى أوضح الفكرة !!

يا جماعة مو ملاحظين إن الموبايلات صايرة تصرف كثير ؟!!!

و الشركات .. خلينا ساكتين بس !!

كل يوم عروض

و آخرتـــها ..

جيــوب فاضيــة .. !

---------------------

أحس اللي يصير مو طبيعي أبدا ..!

===========

( 3 )

من الشات الفلاني .. إلى الشات العلاني

فلان تعرف على بنت من الصين

و فلانة تعرفت على صديقة من المكسيك !!

------------------

الشات .. كلمة كبيرة ..!

و صايرة تتسع يوم ورا يوم ..!

أنصح الكل بترك هالأماكن ( المشبوهة ) !!

===========

( 4 )

طموحي أكون موظف في شركة أبوي

ما لازم أكمل دراستي

خليني أعيش حياتي .. !

هذا كلام الكثير من شباب اليوم

لا طموح

لا رغبة

لا عزيمة !!

----------------

مو حرام ؟!!

=============

( 5 )

انت عارف اللي يحصل في فلسطين و العراق و لبنان ؟؟

ايوا عارف .. ! و شو يعني ؟؟

أجلس أصيح عليهم ؟

و أنا شو ذنبي ؟؟!!

---------------

<< هاذي مواقف الشباب المسلمين من قضايا الأمة >>

============

( 6 )

لما تسأل شاب عن قدوته حاليا في الحياة (( شخص مازال على قيد الحياة )) ؟

البنت : أليســا .. فديتها تجنن !! هي قدوتي و أحاول أقلدها في كل شي ..

الشاب : جاكي شان ........!

--------------

نطمح ان يكون الجيل القادم جيل نفخر به ؟!

للأسف .. ما أظن !

=============

( 7 )

أنا مليت .. كرهت حياتي و عيشتي !!

يا ربي ليش أنا بروحي كذا ؟ ليش أهلي ظالميني ؟

ليش سارة و فاطمة و ندى كل طلباتهم يلبونها لهم أهلهم ..

و لما أجي أطلب مثلهم .. ما يتحقق لي اللي أبيه !!

اللاب توب اللي شفته .. يقطع القلب ! خاطري فيه و الله

و لو ما شريته بمووت !

----------------

<<< هموم فتاة عام 2006 >>>

===========

يا ربي .. هالجوال صارله شهرين نازل

و كل الربع عندهم عاد إلا أنا

ياخي و الله ما حالة هاذي

حتى ريالين حال البترول ماشي ف جيبي !!

و البنت أهلها طالبين عليها كنوز الدنيا ..! كأنها شهرزاد زمانها !!

هذا ما صار زواج !!!

<<< هموم شاب 2006 >>>

=============

هذه أمور .. التقطتها عدستي المتواضعة

مشاكل الشباب اليوم .. ما لها بداية و لا نهاية

أتمنى كل شخص فيكم يكتب اللي في خاطره

و يعرفناعن الأمور اللي يشوفها

و يعتقد إنها تحتاج لتغيير

\
/
\
/

تحياتي

.::*::. شبـــــابيـــــــــات .::*::.