طبخات سهله

صج اني بعيدة عن المطبخ بسسسس بنت و عندي خلفية و خبرات سابقة يوم كنت احب احوس بالمطبخ ..


عندي اول شي وصفة شوربة :: وايد لذيذة ::

شوربة الدجاج بالذرة


* المقاديـر :
زبدة واحدة
4 ملاعق طحين
علبـة ذرة واحدة ( مثل العملاق الاخضر ) بسس شرط انه الذرة تفصل عن الماي .. لانه مومحتاجين ماي الذرة .
علبـة مشـروم
مكعبة واحدة ماجـي
و علبة واحدة كريما حمــرا ( الي هي من ربع قمير كي دي دي )

2 أو 3 صدور دجاج --> حسب الرغبة فيي كمية الدجاج ااذا تبون الدجاج مكثـّف او عادي ..

* طريقة التحضيـر :
اووووووول شي ( الدجاج )
( يتم سلق الدجاج ( يعني نفوح الدياي ) في جدر ، تكون كمية الماء نص الجدر بالضبط )

أولا مكونات --> :: ماي الفوح ::
الماي + دارسين + هيـل + بهارات + ملـح + فلفل أسـود

تفوحون الدياي بالجدر مادري جم المدة بالضبط ، بحيث تطلع رغوة اثناء الفوح و لازم كلساع بالملعقة تشيلونها !

ثانيا تسحيب الدجاج
يعني تسحبونه ، اي تقطعونه بيدكم لمن يصير جنه شرايط
وبس

طريقة تحضير الشوربة :
1- ناخذ جدر و نحط فيه ( الزبدة + الطحين ) و نحووووووووووسهم .

و نصب عليه ( ماي فوح الدجاج ) ربعــه مو كل الماي ، يعني ما نكت ماي الدياي لأ نخلييييه لانه يعطي طعم جيّـد للشوربة .

2- يعني الجدر يكون فيه ( ربعه ماي الفوح و ربعه الثاني ماي يديد) و بالاضافه على مرق الدجاج الي اهوه ( الطحين و الزبدة ) و نحط فوقهم الماجي + الكريمة الحمرا و جميع المقادير

3- نخلي الجدر يطبخ لمن تستوي الشوربة و كان الله غفورا رحيما(و بالهناء و الشفاء ) :$